Tuesday, August 20, 2013

" ఎవరి కోసం ...... ఎవరి కోసం..... ఈ ప్రేమమందిరం, ఈ శూన్యనందనం" ( 3 బాషలలో)


Prem Nagar.jpg

సురేష్ ప్రొడక్షన్స్ వారి ప్రతిష్టాత్మిక చిత్రం "ప్రేమనగర్".  ఈ చిత్రం 1971 లో విడుదలై గొప్ప విజయం సాదించిన చిత్రం.  చిత్ర దర్శకుడు శ్రీ K S ప్రకాష్ రావు, సంగీతం శ్రీ K V మహదేవన్. అన్నీ పాటలు మధురాతి మధురంగా ఉన్నాయ్. ఘంటసాల, సుశీల పాడిన  పాటలు, చిత్ర విజయానికి ఎంతో తోడ్పడ్డాయి అనడం అతిశయోక్తి కాదు. అక్కినేని (కళ్యాణ్), వాణిశ్రీ (లత)   నటన అమోఘం.                   
ఈ చిత్రంలో ఘంటసాల మాస్టారు పాడిన (రచన: శ్రీ ఆచార్య ఆత్రేయ)
" ఎవరి కోసం ......  ఎవరి కోసం..... ఈ ప్రేమమందిరం, ఈ శూన్యనందనం"
చాలా భావోద్వేవంగా సాగిన పాట.

Vasantha Maligai.jpg

ప్రేమనగర్ చిత్రాన్ని తమిళం లో "వసంత మాలిగై" పేరుతో   తీసారు. ఈ చిత్రాన్ని కూడా శ్రీ రామానాయుడు నిర్మించారు. దర్సకత్వం శ్రీ కే యస్ ప్రకాష్ రావు, సంగీతం శ్రీ కే వీ మహదేవన్, నాయిక వాణిశ్రీ(లత)  కథానాయకుడు   శివాజీ గణేషన్ (ఆనంద్).   ఘంటసాల మాస్టారు తెలుగులో  పాడిన  పాట " ఎవరికొసం ...  ఎవరికోసం .. పాటను  తమిళంలో    "యారుకాగ .... యారుకాగ"    అని  సౌందరరాజన్ పాడారు. రచన: కన్నదాసన్. 
 ఈ చిత్రం 1972 లో విడుదలై అఖండ విజయం సాదించింది.

Prem Nagar 1974 Film Poster.JPG

శ్రీ రామానాయుడు గారే ఈ చిత్రాన్ని హిందీ లో   కూడా "ప్రేమనగర్" పేరుతోనే కే యస్ ప్రకాష్ రావు దర్సకత్వం  లోనే   తీసారు.  సంగీతం శ్రీ యస్ డీ బర్మన్ సమకూర్చారు.  ఈ చిత్రం 1974 లో విడుదలై విజయం సాదించింది. నాయికా నాయకులు  గా హేమామాలిని (లత),  రాజేష్ ఖన్నా(కరణ్ సింగ్) నటించారు. పై సన్నివేశ పాటను  శ్రీ "కిశోరే కుమార్" పాడారు. ఆ పాట 
"జా .. జా .. జా ముజ్హే అబ్ నా యాద్ ఆ" ......  ఈ గీతాన్ని ఆనంద్ బక్షి వ్రాసారు.

హిందీ లో  ఇదే పేరుతో (ప్రేమ నగర్)   1940 లో ఒక చిత్రం విడుదలైంది. చిత్ర దర్శకుడు మోహన్ దయారాం భావనాని,  రామానంద్, బిమ్లా కుమారి, హుస్ను భాను నటించారు.    కాని, దానికి, దీనికి ఎలాంటి సంబంధం లేదు.

ఒకే చిత్రాన్ని, ఒక నిర్మాత (రామానాయుడు) ఒకే దర్శకునితో  (కే యస్ ప్రకాష్ రావు) 3 బాషలలో తీయడం చాలా అరుదైన విషయం. పైగా 3 బాషలలోను విజయం సాధించి, నిర్మాతకు ఎనలేని కీర్తిని, ధనాన్ని ఆర్జించింది. మూడు చిత్రాలలోనూ, నాయిక పేరు "లత", నాయకుని పేరు మాత్రం మార్చారు.  .

ఇక పాటల విషయానికి వస్తే, తెలుగు పాటే అత్త్యుత్తమం.  ఘంటసాల గళం నుండి జారు వారిన  ఈ పాట,  మిగిలిన బాష పాటలకన్నా ఎంతో  గొప్పగా ఉంది,  అని నిస్సంకోచంగా చెప్పవచ్చు.  మీరు కూడా ఆ 3 పాటలు విని, మీ నిర్ణయాన్ని తెలియచేయండి.

పాటలన్నీ యు ట్యూబ్ ద్వారా సేకరించడం జరిగిన్ది.  వారికి నా ధన్యవాదాలు.



 
  
 

2 comments:

  1. Excellent/Smart work. Thanks for sharing the song in wonderful way. Watching the song of different versions at one place is very good experience. As you said Ghantasala song is unique.

    ReplyDelete
    Replies
    1. Thanks Sri Subba Rao garu. After putting a lot of efforts, I could post all three songs in my Blog. I am happy that at least there is one person to appriciate my work. As I said, Ghantasala song is unique and superb, when compated to other language songs. None to beat ghantasala Mastaru. A Legend in Singing.

      Delete