"మనసున మనసై బ్రతుకున బ్రతుకై తోడొకరుండిన అదే భాగ్యమూ .. అదే స్వర్గము"

శ్రీ సాలూరు రాజేశ్వర రావు గారి వర్ధంతి నేడు . (26 అక్టోబర్).
 శ్రీ రాజేశ్వర రావు గారు నిరాడంబరుడు, ఆత్మగౌవరం 
 కోసం ఎన్నో  సినిమాలు వదులుకొన్న మహా మనిషి.
శ్రీ రాజేశ్వర రావు గారికి ఘంటసాల అంటే మిక్కిలి ఇష్టం.
నటునిగా, నేపథ్య గాయకునిగా, సంగీత దర్సకుడుగా, శ్రీ సాలూరు వారు బహుముఖ ప్రజ్ఞాశాలి.  ఆయన దాదాపు 150 చిత్రాలకు సంగీత దర్సకత్వం వహించారు.
రాజేశ్వరరావుకి మెదడు నిండా సంగీతమే అని ఒక సందర్భంలో రావు బాలసరస్వతి గారు చెప్పారు.
డాక్టర్ చక్రవర్తి చిత్రానికి సాలూరు వారు అందించిన స్వరాలూ అమోఘం. ముఖ్యంగా, ఘంటసాల గారు పాడిన
"మనసున మనసై బ్రతుకున బ్రతుకై తోడొకరుండిన అదే భాగ్యమూ .. అదే స్వర్గము" మనసును కదిలించే పాట. శ్రీ శ్రీ గారు వ్రాసిన ఈ పాటకు, సాలూరు వారు అందించిన బాణీ, ఘంటసాల గారి గళం లో అజరామరమై నిలిచిపాయింది.  

శ్రీ సాలూరు గారికి నివాళులు అందిస్తూ, ఈ పాట విందాము.