శ్రీ ముళ్ళపూడి వెంకట రమణ, బాపు కలయికలో వచ్చిన చిత్రం " బుద్ధిమంతుడు". 1969 లో విడుదల . సంగీతం K V మహదేవన్. చిత్రంలోని పాటలన్నీ బాగున్నాయి. ముఖ్యంగా ఘంటసాల మాస్టారు పాడిన " వేయి వేణువులు మ్రోగే వేళ",,,, టాటా వీడుకోలు ........ బడిలో ఏముంది బాబు .........పాటలు ఎంతో ప్రజాదరణ పొందినవి. అలాగే ఘంటసాల-సుశీల యుగళ గీతం "గుట్టమీద" కూడా మంచి మెలోడీ పాట. ఈ చిత్రం 1969 లో అక్కినేని పుట్టిన రోజు ....... సెప్టెంబర్ 20 ... విడుదల.
ఘంటసాల గారి పాటలు చిత్ర విజయానికి ఎంతో దోహదం చేసాయి అనడం అతి శయోక్తి కాదు.
ఇప్పుడు ఘంటసాల పాడిన "టాటా వీడుకోలు..... గుడ్ బై...... ఇంక శెలవు" పాట విందాము. వీడియో క్లిప్పింగ్ యూ ట్యూబ్ నుండి సేఖరణ. వారికి ధన్యవాదాలు
జగపతి పిక్చర్స్ బ్యానర్ లో శ్రీ V B రాజేంద్ర ప్రసాద్ దర్సకత్వం వహించి, నిర్మించిన చిత్రం-----". బంగారు బాబు". చిత్ర కథకుడు కూడా ఆయనే. అక్కినేని, వాణిశ్రీ, జగ్గయ్య, జయంతి, S V రంగారావు నటించారు. సంగీతం K V మహదేవన్. పాటలన్నీ సూపర్ గా ఉన్నాయి. ఇందులో ఘంటసాల- సుశీల యుగళ గీతం " చెంగావి రంగు చీర కట్టుకున్న చిన్నది, దాని దిమ్మ దీయ అందమంతా చీరలోనే ఉన్నది"....... మంచి ఉషారు గా సాగే పాట. గీత రచన శ్రీ ఆత్రేయ. చిత్రీకరణ ఎంతో బాగుంది. ఆ రోజుల్లో కుర్ర కారును ఒక ఊపు ఊపిన పాట. ఘంటసాల గారు పాడిన తీరు అమోఘం
'శిశువు' అనే శీర్షిక లో యూ ట్యూబ్ వారు సమర్పించిన, ఘంటసాల గారి "పాపాయి పద్యాలు", ఎంతో బాగున్నాయి. విని ఆనందించండి. ......................... రచన శ్రీ గుర్రం జాషువా గారు.
గాన గంధర్వుడు ఘంటసాల గురించి " మన ఘంటసాల" అనే శీర్షిక న యూ ట్యూబ్ లో లబించిన ఒక భాగాన్ని ఇక్కడ పొందు పరుస్తున్నాను. వీటిని కొంత మంది చూసి ఉండవచ్చు. చూడని వారికోసం, ఘంటసాల అభిమానిగా, దీనిని మన అందరి కోసం మరొక్క సారి చూసే అవకాసం. ఇది మన ఘంటసాల పార్ట్ I మాత్రమే. చూసి ఆనందించండి.. (యూ ట్యూబ్ వారికీ ధన్యవాదాలు)..
జయంతి పిక్చర్స్ " శ్రీ కృష్ణార్జున యుద్ధం" చిత్రానికి సంగీతం శ్రీ పెండ్యాల నాగేశ్వర రావు గారు. ఈ చిత్రం లోని అన్ని పాటలు బాగున్నాయి. ఈ చిత్రాన్ని కన్నడం లో తర్జుమా చేసారు. ఘంటసాల, సుశీల గానం చేసిన యుగళ గీతం " మనసు పరిమళించెనే" (తెలుగు), మనవు ప్రేమ వాయితే (కన్నడ) పాటను విందాము.
వీనస్ పిక్చర్స్ నిర్మించిన చిత్రం "సుమంగళి", 1965 లో విడుదల. అక్కినేని, జగ్గయ్య, సావిత్రి ముఖ్య తారాగణం. దర్సకత్వం శ్రీ ఆదుర్తి సుబ్బారావు , సంగీతం శ్రీ K V మహదేవన్. పాటలు ఆత్రేయ. పాటలన్నీ బహుళ ప్రజాదరణ పొందినవే. ఘంటసాల మాస్టారు పాడిన "సిగ లోకి విరులిచ్చి చెలి నొసట తిలక మిడి", కంట తడి పెట్టించే పాట. మాస్టారు ఎంతో ఆర్ద్రతతో పాడారు. ఆ పాట వీడియో క్లిప్పింగ్ చూద్దాము.
